Карраҳер Артетанинг Дёкереш борасидаги қарорини мақтади
Англия футболининг собиқ вакили Жейми Карраҳер Микел Артетанинг Виктор Дёкерешни «Тоттенҳем»га қарши дербида илк дақиқалардан майдонга тушириш қарорини юқори баҳолади. Лондон клуби ўша учрашувда 4:1 ҳисобида ғалаба қозонганди. Бу ҳақда euro-football.ru хабар беради.
Ҳужумчи ўйиннинг асосий қаҳрамонларидан бирига айланди — у дубл қайд этди. Карраҳер эса аввалроқ бир неча бор швед футболчиси «Арсенал»нинг асосий таркибига муносиб эмаслигини айтиб келганди.
«Артетага эътироф. Менимча, улар Дёкерешни асосий таркиб футболчиси сифатида четга суриши керак эди, аммо мураббий уни ўйиндан ўйинга стартда туширишда давом этди. Артета мақтовга лойиқ: у футболчига ишончини йўқотмади ва охир-оқибат бу ишонч ўз самарасини берди», — деди Карраҳер Sky Sports эфирида якшанба кунги баҳсни таҳлил қилар экан.
Жорий мавсумда Виктор Дёкереш «Арсенал» сафида 36 учрашувда майдонга тушиб, 15 та гол урди.