«Эспаньол» 2026 йилда Ла Лигада ҳануз ғалаба қозонмади
Испания чемпионатида 25-тур учрашувлари давом этмоқда. Кеча Мадридда «Эспаньол» «Атлетико»га 2:4 ҳисобида ютқазди ва бу натижа жамоанинг 2026 йилдаги навбатдаги омадсиз ўйинига айланди. Бу ҳақда euro-football.ru хабар беради.
Йил бошидан бери «Эспаньол» Ла Лигада ҳали ғалаба кўрмади: саккизта ўйинда атиги икки бор дуранг қайд этиб, олти марта мағлуб бўлди. Бу «тўтиқушлар» учун сўнгги қарийб уч йилдаги энг ёмон серия — 2023 йил апрелидан бери.
Шунга қарамай, «Эспаньол» турнир жадвалида ҳануз 7-ўринда турибди. Бунга биринчи даврада тўпланган яхши захира очколар сабаб бўлмоқда.