Коке мухлислар 200 фоиз бериладиган кечани хоҳлайди
Мадриднинг "Атлетико" клуби ярим ҳимоячиси Коке Европа Чемпионлар лигасида Бельгиянинг "Брюгге" жамоасига қарши учрашув олдидан бўлиб ўтган матбуот анжуманида иштирок этди. Бу ҳақда euro-football.ru хабар беради.
Плей-офф босқичидаги жавоб баҳси 24-феврал куни ўтказилади. Учрашув француз ҳаками Клеман Тюрпеннинг старт ҳуштаги билан 22:45 да (Тошкент вақти билан) янграйди.
Эслатиб ўтамиз, жамоаларнинг илк ўйини 3:3 ҳисобида якунлангандӣ.
"Биз ҳар бир тўп учун жанг қилишимиз, охиригача курашишимиз ва, албатта, голлар уришимиз керак. Шундай кечалар зарурки, мухлисларимиз 200 фоиз куч билан қўллаб-қувватласин, футболчилар эса майдонда бунга худди шундай жавоб қайтарсин", — дея Кокенинг сўзларини келтиради УЕФА расмий сайти.
Аввалроқ ушбу тўқнашув ҳақида "Атлетико" бош мураббийи Диего Симеоне ва "Брюгге" устози Иван Леко ҳам ўз фикрларини билдирган эди.