Дани Олмо «Барселона»даги энг кам баҳоланган футболчини айтди
«Барселона» яримҳимоячиси Дани Олмо жамоадошлари орасида кимни энг кам баҳоланишини айтиб ўтди. Бу ҳақда euro-football.ru хабар беради.
27 ёшли футболчи бу борада ҳимоячи Эрик Гарсияни тилга олди. Олмонинг фикрича, Гарсия жорий мавсумда бош мураббий Ханс-Дитер Флик учун муҳим фигурага айланган.
«Эрик — таркибимиздаги энг кам баҳоланган ўйинчи. Ҳозир уни аввалгидан кўпроқ қадрлашмоқда, аммо мен барибир уни айтаман», — дея Олмонинг сўзларини келтиради Barca Universal.
Маълумот учун, Гарсия бу мавсум «кўк-анорранглилар» сафида 39 учрашувда майдонга тушиб, 1 гол ва 2 ассист қайд этган. Декабрь ойида эса кўп қиррали марказий ҳимоячи клуб билан шартномасини 2031 йилгача узайтирганди.