Комонинг асосий ҳужумчиси мавсум охиригача сафдан чиқди
Аввалроқ хабар берганимиздек, «Комо»нинг етакчи ҳужумчиларидан бири Жейден Аддай Турин «Ювентус»ига қарши учрашувда майдонга туша олмади. Шунга қарамай, Сеск Фабрегас жамоаси гранд устидан ишончли ғалабани қўлга киритиб, рақиб дарвозасига жавобсиз икки гол урди. Бу ҳақда euro-football.ru хабар беради.
Энди эса Аддай бу мавсумда энди умуман ўйнамаслиги маълум бўлди: у ахилл пайи жароҳати сабаб мавсум якунигача сафдан чиқди. Ҳужумчи жорий чемпионатда 12 та учрашувда 3 гол уришга улгурди.
Италия чемпионати доирасидаги навбатдаги баҳсда «Комо» ўз майдонида «Лечче»ни қабул қилади.