Мостовой Сафоновнинг ПСЖдаги ўйинини баҳолаш қийин деди
Россиялик собиқ футболчи Александр Мостовой ПСЖ дарвозабони Матвей Сафонов ҳақида фикр билдирди. Унинг айтишича, Сафонов Париж клубида берилган имкониятдан фойдаланишга ҳаракат қилмоқда, бироқ жамоанинг юқори даражаси фонида дарвозабон ўйинидан аниқ хулоса чиқариш осон эмас. Бу ҳақда euro-football.ru хабар беради.
Мостовой таъкидлашича, ПСЖ сафида дарвозабон бир ўйинда атиги бир-икки марта зарбани қайтариши мумкин, бошқа жамоаларда эса дарвозага 20 мартагача зарба йўлланиши эҳтимоли бор. Шу сабабли, унинг фикрича, баҳо беришда шошилмаслик керак, барибир камчилик топиш мумкин.
Чоршанба куни ПСЖ Чемпионлар лигасида ўз майдонида «Монако» билан 2:2 ҳисобида дуранг ўйнади. Икки ўйин натижасига кўра парижликлар 5:4 ҳисобида устун келиб, 1/8 финалга йўл олди. Ушбу босқичда ПСЖнинг рақиби «Барселона» ёки «Челси» бўлади.