Роналду 5:0 ғалабадан сўнг атиги икки сўз ёзди
Саудия Арабистони Про-лигасида «Ал-Наср» «Ал-Намджа»ни 5:0 ҳисобида йирик мағлуб этиб, турнир жадвалида пешқадамликка кўтарилди. Учрашувдаги ҳисобни Криштиану Роналду очди — у 7-дақиқада пенальтини аниқ ижро этди. Бу ҳақда euro-football.ru хабар беради.
Ўйиндан кейин 41 ёшли ҳужумчи ижтимоий тармоқларда бир нечта суратларни жойлаб, қисқа изоҳ қолдирди. Португалиялик юлдуз постига «Шундай давом этинг!» деб ёзди.
Бу гол билан Роналдунинг фаолиятидаги жами голлари сони 965 тага етди. Энди 1000 гол марраси тобора яқинлашмоқда.
Эслатиб ўтамиз, ўтган йили Роналду «Ал-Наср» билан шартномасини узайтирган — келишув 2027 йил ўрталаригача мўлжалланган.