Росеньор Челси ПСЖга тушганини ҳаяжон билан баҳолади
Челси Европа Чемпионлар лигаси 1/8 финалида ПСЖ билан тўқнаш келади. Қуръа натижаларидан сўнг Лондон клуби бош мураббийи Лиам Росеньор жуфтлик ҳақида фикр билдирди. Бу ҳақда euro-football.ru хабар беради.
Мутахассис парижликларни юқори баҳолаб, бу турдаги ўйинлар футбол учун яшашга арзигулик лаҳзалар эканини таъкидлади. Росеньор аввал Франсияда ПСЖга қарши ўйнаган тажрибаси борлигини айтиб, жамоа ва бош мураббий Луис Энрикенинг ишини алоҳида эътироф этди.
Шу билан бирга, у Челси ҳозирча асосий эътиборни яқинлашиб келаётган учта учрашувга қаратиши кераклигини, шундан кейингина ПСЖга қарши баҳслар ҳақида тўлиқ ўйлаш мумкинлигини қайд этди.
ПСЖ — Челси жуфтлиги ғолиби чорак финалда Галатасарай ёки Ливерпулдан бирига қарши майдонга тушади.