Джикия майдонга тушмаганига жароҳати сабаб бўлган
«Антальяспор» ҳимоячиси Георгий Джикиянинг Туркиядаги вакили Малик Арутюнов россиялик футболчининг сўнгги пайтларда кам ўйнаганига изоҳ берди. Агентнинг айтишича, бунга сабаб — жароҳат. Бу ҳақда euro-football.ru хабар беради.
Арутюнов Джикия шикастдан тўлиқ тикланганини ва жамоага келган янги бош мураббий ҳам унга ишонч билдираётганини таъкидлади.
«Ўйлайманки, Джикия “Фенербахче”га қарши ўйинда асосий таркибда майдонга тушади. Клубда аллақачон учинчи мураббий, ҳар бирининг ўз қараши бор. У ўйнамагани жароҳат билан боғлиқ», — деди Арутюнов. Унинг сўзларини «Чемпионат» келтирди.
2025/2026 йилги мавсумда Джикия Туркия чемпионати ва Кубогида жами 13 та учрашувда қатнашиб, 2 та гол урган.