Генрих Мхитарян «Интер»дан кетиш ҳақида ўйламаяпти
Миланнинг «Интер» клубида тўп сураётган Генрих Мхитарян 37 ёшда бўлишига қарамай, фаолиятини якунлаш ниятида эмас. У ҳозирча жамоадан кетиш масаласини кун тартибига чиқармаганини ва етакчи бўлиб турган «Интер»га ҳали ҳам фойда келтира олишига ишонишини билдирди. Бу ҳақда euro-football.ru хабар беради.
«Ҳали ҳам ўйнашни хоҳлайман, кетиш ҳақида ўйламаяпман. 37 ёшдаман, соғлиғимга яхшироқ қарашим керак, имкон қадар узоқроқ ўйнашни истайман. Албатта, энди 20 ёки 22 ёшда эмаслигимни тушунаман», — дея Мхитаряннинг сўзларини pianetamilan.it келтиради.
Арманистонлик тажрибали ярим ҳимоячи аввалроқ Дортмунднинг «Боруссия»си, Италиянинг «Рома»си ҳамда Англиянинг «Арсенал»ида ҳам ўйнаган.