Армстронг бундай ўйинлар учун футбол ўйнаймиз деди
АПЛда аутсайдер саналадиган «Вулверҳемптон» кутилмаган натижа қайд этиб, турнир жадвалининг юқори қисмида бораётган «Астон Вилла»ни мағлуб этди. Захирадан майдонга тушиб, «бўрилар» ўйинини сезиларли кучайтирган Адам Армстронг бу ғалабадан катта руҳланганини яширмади. Бу ҳақда euro-football.ru хабар беради.
Армстронгнинг таъкидлашича, футболнинг бутун завқи айнан шундай учрашувларда намоён бўлади: дербида жамоаларнинг турнирдаги ўрни унчалик аҳамият касб этмайди. «Ҳозир биз учун энг тўғриси — ҳар бир ўйиндан завқ олиш ва келажак ҳақида олдиндан тахмин қилмаслик. Биз қаттиқ ишлаяпмиз ва бундан ҳам кўпроқ меҳнат қиламиз», — дея унинг сўзларини BBC Sport келтирди.
Шунга қарамай, бу ғалаба «Вулверҳемптон»нинг лигада қолиш имкониятларини кескин ошириб юборгани йўқ — жамоанинг омон қолиш умиди ҳозирча фақат математик ҳисоб-китобларга боғлиқ.