Аллегри «Милан»ни тарк этиши ҳақидаги гапларга муносабат билдирди
«Милан» бош мураббийи Массимилиано Аллегри жамоани тарк этиши мумкинлиги ҳақидаги миш-мишларга изоҳ берди. Бу ҳақда euro-football.ru хабар беради.
58 ёшли мутахассиснинг клуб билан амалдаги шартномаси 2027 йилнинг ўрталаригача мўлжалланган. Шунга қарамай, сўнгги кунларда ОАВда у жорий мавсум якунлангач «россонери» билан ҳамкорликни тўхтатиши мумкинлиги ҳақида хабарлар тарқалди. Аллегри бу гапларни кескин рад этди.
«Миланда ҳаммаси жойида, ички муҳит аъло. Биз бир йўналишда ишлаяпмиз, клуб келажак режалари устида аллақачон бош қотирмоқда. Бу ерда ишлаш менга ёқади», — дея мураббийнинг сўзларини журналист Фабрицио Романо келтирди.
Бугун «Милан» А Серияда сафарда «Кремонезе»га қарши майдонга тушади. Учрашув 16:30 да (Тошкент вақти билан) бошланади.