«Марсел» «Лион» устидан 90-дақиқада иродали ғалабани суғуриб олди
Лига 1нинг 24-туридаги марказий баҳсда «Марсел» ва «Лион» «Велодром»да тенгма-тенг кураш олиб борди, учрашув тақдирини эса сўнгги сониялар ҳал қилди. Бу ҳақда euro-football.ru хабар беради.
Меҳмонлар 3-дақиқадаёқ ҳисобни очди: тезкор қарши ҳужум якунида Корентен Толиссо аниқ зарба берди. Орадан кўп ўтмай Мейсон Гринвуд Пйер-Эмерик Обамеянг узатмасидан сўнг ҳисобни тенглаштиришга яқин келган эди, бироқ дарвозабон вазиятни қутқарди.
Иккинчи бўлим бошида Роман Яремчук гол уриш имкониятидан фойдалана олмади. «Марсел» эса жавоб ҳужумида мақсадига етди — Игор Пайшао жарима майдони ташқарисидан аниқ зарба йўллаб, ҳисобни 1:1 кўринишига келтирди.
76-дақиқада «Лион» яна чаққон ҳужум билан олдинга чиқиб олди: Эндрик Реми Имбертга қулай пас узатди ва у аниқ якунлаб, 1:2 қилди. Бироқ 81-дақиқада бурчак зарбасидан кейин Обамеянг бир зарбда тўпни тўрга жойлаб, мувозанатни тиклади — 2:2.
Қўшимча дақиқаларда Итан Нванери тўпни жарима майдонига етказиб берди, Обамеянг эса совуққонлик билан якунлаб, «Марсел»га 3:2 ҳисобидаги иродали ғалабани тақдим этди.
Натижадан сўнг «Лион» турнир жадвалида учинчи ўринда қолмоқда, «Марсел» эса икки очколи масофагача яқинлашди.