Klæbo best i avslutninga – vann fellesstarten
Johannes Høsflot Klæbo vann verdscupavslutninga i Lake Placid.
Verdscupvinnaren rykte ifrå resten av feltet med Harald Østberg Amundsen klistra i ryggen då det berre var ein halv kilometer att av fellesstarten.
I spurten var Klæbo best. Amundsen tok andreplassen medan Einar Hedegart tok tredjeplassen.
Klæbo gjekk ikkje gårsdagens sprint, men var på startstreken att på søndagens 20 km fellesstart.
Trønderen tok styring frå start og fekk fire norske i rygg med ein gong.
Amundsen, Klæbo, Mattis Stenshagen og Andreas Fjorden Ree låg i front i store delar av rennet.
Rett bak var Einar Hedegart og austerrikske Benjamin Moser, italienske Davide Graz og Emil Iversen. Etter kvart datt dei sistnemnde ifrå, medan Hedegart klarte å kare til seg ein tredjeplass.