Үчле ир элеккеге хатынын эшенә килеп кыйнаган
Башкортстанның Туймазы шәһәрендә ир-ат элеккеге хатынының эшенә бәреп кергән һәм аны кыйнаган. Имгәнгән хатынны хастаханәгә салганнар. Хатын хәзер шаһитлар эзли. Аның сүзләренчә, ир-ат аның яңа мөнәсәбәтләре турында белгән һәм үч алу өчен килгән. Хатын-кыз үзенең һәм якыннарының тормышы һәм сәламәтлеге өчен куркуын әйтә. Бу хакта «Башинформ» яза.
Эчке эшләр министрлыгы матбугат хезмәтендә аңлатуларынча, Россия Эчке эшләр министрлыгының Туймазы районы дежур бүлегенә медицина учреждениесеннән хәбәр килгән.
«Хәзерге вакытта әлеге факт буенча тикшерү үткәрелә. Полиция хезмәткәрләре низагта катнашучыларны һәм булган хәлне ачыклады. Суд-медицина экспертизасы билгеләнде. Тикшерү буенча процессуаль карар кабул ителәчәк», – диләр ведомствода.