Баһларның гаиләсендә куанычлы хәл
Илназ Баһ белән Гүзәл Идрисованың гаиләсендә читраттагы шатлыклы вакыйга – аларның гармунчы уллары Камил конкурста Гран-при иясе булган. Бу хакта иҗади гаилә социаль челтәрдәге сәхифәсендә хәбәр итә.
«Башкортстанның Янаул районында «Моңга бай гармун бәйрәме» дип исемләнгән республикакүләм бәйге узды.
Анда Россиянең төрле төбәкләреннән якынча 100 гармынчы, музыкант катнашты. Улыбыз Камил яшүсмерләр арасында чираттагы гран-при бүләген яулады. Бәйгенең махсус бүләге – гармун һәм диплом тапшырылды.
Чын күңелдән котлыйбыз, киләчәктә дә уңышлар насыйп булсын», – дип яза яшь гармунчының әнисе.