Россияда "У бизга шоҳ эмас" норозилик намойишлари ўтказиляпти
Хабаровск, Владивосток, Южно-Сахалинск, Иркутск ва Комсомольск-на-Амуре шаҳарларида намойишлар аллақачон бўлиб ўтди.
Якутскдаги норозилик тадбирида полиция 75 кишини қўлга олди.
Барнаулда эса ҳукумат руҳсат бермаган намойишда қатнашган 15 фаол ҳибс этилди.
Челябинскда Алексай Навалнийнинг ёрдамчиси Александр Беляев милиция бўлимига олиб кетилди.
Москвдаги норозилик тадбирлари 5 май 14.00да бошланиши кутиляпти.
Навалний ўз тарафдорларини Пушкин майдонига чиқишга даъват этди.
Россия президенти маъмуриятининг фуқаровий жамиятларни ривожлантириш ва инсон ҳуқуқлари бўйича кенгаши раиси Михаил Федотов полиция ва куч ишлатар тизимларни босиқ бўлишга ва қонунга амал қилишга чақирди.
Россиядаги "У бизга шоҳ эмас" норозилик тадбирлари Россияда тўртинчи бор президентликка сайланган Владимир Путиннинг 7 май куни бўладиган инаугурациясига бағишлаб ўтказилмоқда.