Чувашия мөселманнары Диния нәзарәтендә хәләл туклану турында сөйләделәр
(Казан, 6 февраль, «Татар-информ»). Чувашия Республикасының Яльчик районы Сориле авылында Чувашия мөселманнары Диния нәзарәте вәкилләре хатын-кызлар өчен хәләл һәм хәрәм ризык турында вәгазь сөйләде.
Россия мөселманнары Дини җыены Үзәкләштерелгән Дини идарәсенең матбугат хезмәте хәбәр иткәнчә, вәгазьне мәчет мөгаллиме Гали хәзрәт Сәлахов үткәрде.
Нәкъ менә хатын-кызлар гаилә әгъзалары өчен аш-су әзерләү белән шөгыльләнә. Хәзрәт хәләл һәм хәрәм ризык төрләре, аларның аермалы яклары, хәләл азыкның өстенлекләре һәм ислам кануннары буенча тыелган ашамлыкларның зыяны турында сөйләде.
Моның мисалы буларак хатын-кызлар хәләл ризыклардан торган табын әзерләде. Вәгазь дустанә шартларда чәй эчү белән төгәлләнде, диелә хәбәрдә.