Аэропортта йөзләгән кеше инде өченче тәүлек Вьетнамга оча алмый
Казан аэропортында 335 кеше инде өченче тәүлекләрен Вьетнамга очачак самолетны көтә. Рейс билгесез вакытка тоткарланган.
Бүген иртүк таможня контроле һәм теркәү дә узганнар инде. Әмма шушы вакытка кадәр аларны самолетка үткәрмиләр. Пассажирлар арасында балалар да, өлкәннәр дә бар. Аларга су да, азык-төлек таратучы да юк. Соңгы мәгълүматларга караганда, аларны Сургуттан килгән самолет белән озатырга тиешләр икән.