Безнең гаилә фермалары беренче унлыкта
Күптән түгел генә Татарстан Президенты уздырган киңәшмәдә безнең райондагы фермерлык эшчәнлеге югары бәяләнде .
Беренче чиратта, фермерларыбыз үзләренең ишлелеге белән данланса, икенче яктан алар төзегән биналарның мал белән тулыланышы да күпләргә үрнәк булырлык икән. Сүз уңае, Илдус Шакиров, Данил Габдриев, Камил Гөбәйдуллин, Раиф Хамидуллин, Рәмзил Әхметвалеев, Рүзәл Габитов кебекләр үз эшчәнлекләрендә шактый югары дәрәҗәгә ирешкән гаилә фермалары. Район бу юнәлештәге күрсәткечләре белән беренче унлыкка күтәрелгән икән, монда аларның өлеше , сүз дә юк, аз түгел.