Зәйдә хәрби-патриотик клублар фестивале үтте (фотолар)

Бүген Зәйдә шәһәр һәм авыл мәктәпләрендә эшләп килүче хәрби-патриотик клубларның беренче ачык район фестивале үтте. Хәрби-патриотик клублар эшчәнлеген активлаштыру, иң көчле командаларны ачыклау, алар үрнәгендә башка клубларны да җитди эшләргә өндәү максатын күздә тотып оештырылган фестиваль шәһәрнең 7 нче мәктәбендә хәрби җыен формасында узды. Анда патриотик клублар әгъзасы булып торучы 12 яшьтән 17 яшькәчә укучылар катнашты. 28 хәрби-патриотик клуб командасы үз визит карточкаларын күрсәтүдә, “Клубның киләчәге” проектын яклауда, хәрби спорт ярышларында көч сынашты.