Зәйдән 37 бала Президент чыршысында катнашты
Казанның “Татнефть-Арена” боз сараенда бик яхшы билгеләренә генә укучылар, активистлар, волонтерлар, төрле бәйге, олимпиадалар җиңүчеләре өчен Президент елкасы үтте. Анда Зәйдән 37 бала катнашты. Аларның 36сы 12 яшьтән өлкәннәр булса, бер бала – 6нчы мәктәпнең I сыйныф укучысы Андрей Догадин, “Беренче сыйныф укучысының мәдәни көндәлеге” сайтында иң актив катнашучы буларак чакырылды. Балалар елкадан бүләкләр, күтәренке күңел белән кайтты. Ә 24 декабрьдә районның иң-иң укучылары өчен “Энергетик” Мәдәният сараенда елка оештырыла. Анда төрле мәктәпләрдән 500 уку алдынгысы, активистлар, бәйгеләрдә җиңүчеләр чакыру алачак. Һәр бала район башкарма комитеты җитәкчесеннән махсус бүләк алачак.
фото яндекс сайтыннан алынды http://tatmedia.ru/newssee/16404/