Медсанчасть “Сыйфат өчен” республика бәйгесендә лауреат исеменә лаек булды
Әлеге бәйгене Татарстан хөкүмәте продукция һәм хезмәтләр сыйфатын күтәрү максатында 2003 елда гамәлгә куйган иде.
Быел иң сыйфатлы товар җитештерүчеләр, хезмәт күрсәтүчеләр исеме өчен 86 предприятие, оешма, учреждение дәгъвә белдерде. Шуларның 7 се лауреат исеменә лаек булды. 19-ы дипломнар белән бүләкләнде. Алар арасында әлмәтлеләр дә бар. Мәртәбәле премияне медсанчастьнең баш табибы республика хөкүмәте рәисе урынбасары Алексей Песошин кулыннан кабул итте.