Чаллы-Зәй-Әлмәт юлында кичә өч кеше гомере өзелде
29 декабрьдә 18 сәгать 45 минутта Чаллы-Зәй-Әлмәт юлының 18нче километрының авария булды. “ВАЗ-2105” автомобилен йөртүче караңгы вакытта тизлек режимын арттыру нәтиҗәсендә руль белән идарә итүдә контрольне югалта һәм каршы як полосага чыга. Нәтиҗәдә үз полосасыннан хәрәкәт итүче “Мерседес” һәм “ГАЗ” йөк машиналары белән бәрелешә. ЮХИДИ инспекторлары мәгълүматы буенча, җиңел автомобильне йөртүчесе һәм ике пассажир һәлакәт урынында ук үлә, ә 12 яшьлек кыз бала авыр тән җәрәхәтләре белән үзәк дәваханәгә озатыла. Табиблар баланың аяк-кулы сынуын, баш мие селкенүен әйтәләр. Җиңел машинадагылар – Чаллы һәм Бөгелмә кешеләре.