Ана капиталы бирүне туктаталар
Федераль власть аны 2017 елга кадәр озайттырган иде.
Ана капиталын 2017 елның гыйнварыннан түләми башлаячаклар дип фаразлана. Хөкүмәтнең соңгы карары буенча икенче яки аннан соңгы балалар 2016 елның 31 декабренә кадәр туганда гаиләләр ана капиталы алу хокукына ия. Әмма бу программа туктатылгач та, ана капиталыннан файдаланып булмый дигән сүз түгел. Сертификат алган гаиләләргә ашыгыч булмаса, акчаны алмый да торырга мөмкин. Ана капиталының бетерелү-бетерелмәве әлегә төгәл билгеле түгел. Әмма бу хакта югарыда сүз кузгатылган икән, димәк, ана капиталына нокта куюлары да ихтимал.
