Бүген “Энергетик” мәдәният сарае сәхнәсендә - 43нче ел
Зәйдә Бөек Җиңүнең 70 еллыгы уңаеннан оешма-предприятиеләр, учреждениеләр, авыл җирлекләре арасында “Җиңү салюты” иҗат фестивале уртасына якынлаша. Бүген “Энергетик” Мәдәният сараенда “Зәй-Су каналы”, “Инвестстройсервис”, “Горзеленхоз”, “Управдом” ширкәтләре, 7нче мәктәп, “Алтынчәч” балалар бакчалары коллективлары фестивальгә әзерләгән тамашаны соңгы мәртәбә кабатладылар. Алар кичен 1943нче елгы шанлы сугыш чорын чагылдырачак. Режиссер Ленар Сафиуллин әйтүенчә, программа гыйбрәтле, тирән эчтәлекле. Киләсе атнада исә “Теплосервис” ҖЧШ, 1нче мәктәп, “Космос” яшьләр үзәге, район үзәк дәваханәсе коллективлары тамашачыга Ленинград блокадасын күрсәтәчәк.