Иске Тәкмәктә клуб җәйгә төзелеп бетәр
Соңгы өч елда “Авыл клублары” республика программасы кысаларында Бохарай, Югары Пәнәче, Сармашбаш авылларында күпфункцияле клуб төзелеп, уңышлы гына эшли. Агымдагы елда әлеге программа кысаларында Иске Тәкмәктә шундый клуб сафка басып килә. Биредә төзелеш эшенә узган ел ахырында керешелде. Агымдагы елда стенасы күтәрелеп, түбәсе ябылды, тәрәзәләр куелды. Бүгенге көндә биредә эчке эшләр бара. Төзелеш эшен “Эверес” җаваплылыгы чикләнгән ширкәте башкара. Биредә төзелеш эше 9, 5 миллион сумга төшәчәк – балалар волейбол мәйданчыклары булачак. Клубта китапханә һәм фельдшер-акушерлык пункты да урын алачак. Шул рәвешле, күпфункцияле үзәк җәйгә әзер булыр дип көтелә.