Лифт шахтасына егылып төшкән
Күпкатлы йортның 7 нче катыннан 20 метр биеклектән лифт шахтасына егылып төшкән ирнең гомерен саклап кала алмаганнар.
Фаҗигале хәл Казанның Әпсәләмов урамындагы элиталы йортларның берсендә була. Табып алган вакытта ир-ат әле исән була. Ашыгыч ярдәм машинасы белән аны хастаханәгә алып китәләр. Әмма аның гомерен саклап калу мөмкин булмый. Каравылчы әлеге ирнең бу йортта яшәмәвен һәм аек хәлдә булмаганлыгын әйтә. Хәзерге вакытта фаҗигагә китергән сәбәпләрне ачыклау бара.