Зәйдә профилактика отрядлары ярыша
Зәйдә мәгариф оешмаларының хокук бозуларны кисәтү отрядларының муниципаль этабы ярышлары бара. Яшьләр арасында хокук саклау хәрәкәтен үстерү, популярлаштыру максатын күз уңында тоткан отрядлар ел саен законнарны белү буенча да, физик һәм хәрби әзерлек, культура-әхлак нормаларын үзләштерү, патриотик тәрбия буенча сынау тота. Быелгы ярышларда барлык шәһәр мәктәпләре командалары һәм Югары Шепкә, Түбән Биш, Сәвәләй авыл мәктәпләре отрядлары катнаша. Алар стройда йөрү, үз проектларын яклау буенча хәрби комиссариат, полиция, мәгариф идарәсе белгечләреннән торган мәртәбәле жюри алдында имтихан тота. Җиңүчеләр район данын майда республика финал ярышларында яклаячак.
