“Йолдызлык” финалына Зәйдән 60 бала
Бүген Зәйдән 60лап бала Казанга “Созвездие”-“Йолдызлык” балалар-яшүсмерләр телевизион фестиваленә юл тота. Делегацияне яшьләр эшләре идарәсе белгече Роза Гатауллина җитәкли. Мәртәбәле фестивальнең финалында быел Әлфия Вәлиуллина җитәкчелегендәге “Азаль”, “Мирас” вокаль-хореография ансамбльләре, нәфис сүз остасы Максим Паренкин, уннан артык яшь җырчы катнаша. Балаларны атна дәвамында үзенчәлекле бәйге, Казан каласында оештырылган күңел ачу чаралары көтә.