დაბალი ხარისხის მედიკამენტები, კვალიფიციური კადრების სიმცირე, არასაკმარისი ამბულატორიები თუ თემზე დაფუძნებული სერვისების განვითარების დაბალი ტემპი - ეს იმ პრობლემების მხოლოდ მცირე ნაწილია, რომელიც საქართველოში ფსიქიკური ჯანმრთელობის დაცვის სფეროში არსებობს. ოფიციალური სტატისტიკით, საქართველოში სხვადასხვა სახის ფსიქიკური პრობლემა დაახლოებით 80 000-მდე ადამიანს აღენიშნება, ჯანდაცვის მსოფლიო ორგანიზაციის შეფასებით კი, დეპრესია მსოფლიოში ერთ-ერთ ყველაზე გავრცელებულ ტვინის დაავადებად იქცა. რა მთავარი გამოწვევების წინაშე დგას ფსიქიკური ჯანდაცვის სფერო დღეს საქართველოში, როგორ ვითარდება თემზე დაფუძნებული სერვისები და როდის ამოქმედდება რეალურად საქართველოს ფსიქიკური ჯანმრთელობის სტრატეგია და სამოქმედო გეგმა?
