რომან გოცირიძე: ხელისუფლებამ ჩაშალა ანაკლიის პორტის პროექტი
რომან გოცირიძის შეფასებით, ხელისუფლებამ ანაკლიის პორტის პროექტი შეუსრულებელი ვალდებულებების გამო პრაქტიკულად ჩაშალა:
„თქვენ ორ წელიწადში გზას მიიყვანთ პორტამდე? რკინიგზას ააშენებთ თქვენ როდესაც ზესტაფონიდან ქუთაისამდე დამთავრებული გზა ვერ მიიყვანეთ სამი წლის განმავლობაში? თქვენ განსახლებას გააკეთებთ? იქ ადამიანები ცხოვრობენ.
ორი გზა უნდა გაიყვანოთ, საავტომობილო გზა და რკინიგზა. და ხალხმა არც კი იცის, რომ მის ეზოში თუ ბაღში გზა გაივლის. თქვენ ჩაშალეთ განსახლების გეგმა.“- განაცხადა რომან გოცირიძემ, რომლის შეფასებითაც საქართველოს მთავრობას ვალდებულებების შესრულება დროულად არ შეუძლია.
საქართველოს პარლამენტის დეპუტატებს რეგიონული განვითარებისა და ინფრასტრუქტურის მინისტრმა მაია ცქიტიშვილმა წარუდგინა ინფორმაცია ანაკლიის ღრმაწყლოვანი პორტის პროექტის განხორციელების შესახებ. მინისტრი მზადაა დეპუტატების შეკითხვებსაც უპასუხოს.