Әлмәт театрыннан балалар өчен яңа проект
Ул «Әкият арбасы» дип атала. Әлмәт драма театрының әкиятләр төягән арбасы мәктәпләр, балалар бакчалары ишегаллары, җәйге балалар лагерьлары аша узачак.
Арба биш әкияттән гыйбарәт. Икесе татар телендә («Су Анасы», «Балбабай»), икесе рус телендә (“Сказка о золотой рыбке”, “Сказка о попе и работнике его Балде”), берсе инглиз телендә («Шүрәле»).
«Әкият арбасы» проектының 1 нче өлеше 26 майда 10.00 сәгатьтә булачак. Анда татар телендә “Су анасы” әкияте күрсәтеләчәк. Һәр әкият 40 минут дәвам итә.
45-46-06 номеры буенча күмәк заявкалар кабул ителә.