ლგბტ თემის მხარდამჭერი აქციის მონაწილეები აქციას ტოვებენ

„თბილისი პრაიდის“ ორგანიზატორთა აქციის წარმომადგენლების განცხადებით, მათ მიაღწიეს პოლიციასთან შეთანხმებას და ტოვებენ კანცელარიის მიმდებარე ტერიტორიას პოლიციის კორდონის მეშვეობით და გააგრძელებენ მოლაპარაკებებს ხელისუფლებასთან „თბილისი პრაიდის“ ფარგლებში დაგეგმილი „ღირსების მარშის“ ორგანიზებასთან დაკავშირებით.




მთავრობის ადმინისტრაციის შენობასთან ამ დრომდე მიმდინარეობს კონტრაქცია. კონტრაქციის მონაწილეები ნაციონალისტურ ჯგუფების წარმომადგენლები არიან.


მათსა და პოლიციას შორის დაპირისპირება მოხდა, რის გამოც დააკავეს რამდენიმე ადამიანი


14 ივნისს „პრაიდის“ ორგანიზატორებმა აქცია საპატრიარქოს განცხადების გამოქვეყნების შემდეგ დაგეგმეს. საპატრიარქო მოუწოდებს ხელისუფლებას, არ დაუშვას ლგბტქ თემის წარმომადგენლების მიერ დაგეგმილი ღირსების მარშის ჩატარება.


ღირსების მარში დაგეგმილია „თბილისი პრაიდის“ კვირეულის (18-23 ივნისი) ფარგლებში. 31 მაისს შინაგან საქმეთა სამინისტრომ განაცხადა, რომ ამ ღონისძიების მონაწილეებს სახელმწიფო ვერ მისცემს უსაფრთხოების გარანტიებს.