ԱՄՆ-ում տեղի ունեցած հրաձգություններից հետո զանգվածային սպանություններ իրականացնելու սպառնալիքներ հնչեցրած առնվազն 27 անձ է ձերբակալվել
ԱՄՆ Էլ Պասո և Դեյթոն քաղաքներում տեղի ունեցած հրաձգությունների հետո իրավապահ մարմինները վերջին 2 շաբաթների ընթացքում առնվազն 27 մարդու են ձերբակալել, որոնք երկրի տարբեր քաղաքներում զանգվածային սպանություններ իրականացնելու սպառնալիքներ են հնչեցրել, հաղորդում է CNN-ը:
Ձերբակալվածների թվում 15-ամյա դեռահաս կա Ֆլորիդա նահանգից, որը մտացածին անվան ներքո խաղային հարթակում հաղորդել է, որ իր հետ դպրոց է բերել հորը պատկանող M-15 հրացանը և մտադիր է «առնվազն 7 մարդու սպանել»: Ձերբակալության պահին դեռահասը հայտնել է ոստիկաններին, որ դա կատակ է եղել:
Հեռուստաալիքի տվյալներով՝ Միացյալ Նահանգների 20 քաղաքներում 13-38 տարեկան ավելի քան 20 մարդ է ձերբակալվել, ընդ որում՝ ձերբակալությունները սկսվել են Էլ Պասո և Դեյթոն քաղաքներում տեղի ունեցած հրաձգությունների հենց հաջորդ օրը:
Հիշեցնենք, որ օգոստոսի 3-ի առավոտյան Տեխաս նահանգի 21-ամյա բնակիչը Մեքսիկայի հետ սահմանից ոչ հեռու գտնվող Էլ Պասո քաղաքի Walmart սուպերմարկետում հրաձգություն էր իրականացրել՝ սպանելով 22 մարդու: Հրաձիգը ձերբակալվել է, նա մեղադրվում է ահաբեկչության համար: Ենթադրվում է, որ նա գործել է ռասսայական խտրականությունից դրդված. զոհերի թվում Մեքսիկայի քաղաքացիներ կան:
Ավելի ուշ հրաձգության դեպք էր գրանցվել Դեյթոն քաղաքում, ինչի հետևանքով 10 մարդ էր զոհվել՝ ներառյալ հրաձիգը, ավելի քան 30-ը տուժել էին:
ԱՄՆ նախագահ Դոնալդ Թրամփն այդ միջադեպերը որակել էր հանցագործություն մարդկության նկատմամբ: Նա Արդարադատության նախարարությանը տեղի իշնաությունների և առցանց ընկերությունների հետ աշխատելու հրաման էր տվել՝ ծայրահեղականներին մինչև հանցանք գործելը բացահայտելու նպատակով: