Украиналик аёл кечқурун эридан калтак еганди. Ухлади-ю, шу кўйи уйғонмади…
Фожиа Украинанинг Ровенск вилоятига қарашли Костополь туманидаги хонадонлардан бирида содир бўлди. 41 ёшли эркак (исми-шарифи сир тутилган) хотини билан кунбай ишларда ишлаб пул топарди. Икковлашиб ҳар куни кечқурун улфатчилик қилишарди. Охирги марта ҳам шу манзара такрорланди. Эр-хотин ичкилик таъсирида жанжаллашиб қолишди. Ғазаб отига минган эр аёлни тепкилаб ташлади. Аёл йиғлай-йиғлай ухлаб қолди. Аммо эрталаб уйғонмади. Эрнинг ўзи «Тез ёрдам» чақирди. Врачларнинг аниқлашича, эр хотинини тепкилаганда, ички аъзоларини эзиб қўйган экан. Шунинг натижасида ўлим юзага келибди.
Ҳозирги вақтда эркак қамоққа олинган. Ушбу факт юзасидан жиноий иш қўзғатилган.
Астағфирилло!!!