Այս պահին քննությամբ ձեռք բերված բավականաչափ տվյալներ վկայում են Կուտոյանի ինքնասպանության մասին, բայց մահվան ելքով ցանկացած դեպքին բնորոշ բոլոր վարկածներն ստուգվելու են. Գլխավոր դատախազ (տեսանյութ)
Այս պահին քննությամբ ձեռք բերված բավականաչափ տվյալներ վկայում են ինքնասպանության մասին, բայց բոլոր ուղղություններով, բոլոր վարկածներով պատշաճ քննություն կիրականացվի: Այս մասին ԱԱԾ նախկին տնօրեն Գեորգի Կուտոյանի հոգեհանգստի արարողության ժամանակ լրագրողների հետ զրույցում ասաց ՀՀ գլխավոր դատախազ Արթուր Դավթյանը:
«Դեպքի վերաբերյալ արդեն ապահովվել է որոշակի հրապարակայնություն։ Իսկապես այս պահին քննությամբ ձեռք բերված բավականաչափ տվյալներ վկայում են ինքնասպանության մասին: Ձեզ արդեն հայտնի է, որ ինքնասպանության հասցնելու հանցակազմի հատկանիշներով հարուցվել է քրեական գործ, բայց մահվան ելքով ցանկացած դեպքին բնորոշ բոլոր վարկածներն ամենայն խորությամբ ստուգվելու են»,- ասաց Արթուր Դավթյանը:
ՀՀ գլխավոր դատախազն ասաց, որ առավել շահարկումներից խուսափելու համար այս պահին կրկին հաստատում է այն, որ ձեռք են բերվել բավականաչափ տվյալներ` ինքնասպանության մասին վկայող, բայց բոլոր ուղղություններով, բոլոր վարկածներով պատշաճ քննությունը կիրականացվի:
Առավել մանրամասն՝ տեսանյութում: