ალექსეი ნავალნი გერმანიაში დარჩება რეაბილიტაციის კურსის ბოლომდე
„ახლა, უკვე ცხადია, რომ ალექსეი ნავალნის აღდგენას კიდევ დიდი დრო დასჭირდება. ის ჯერჯერობით რჩება გერმანიაში რეაბილიტაციის გასავლელად, ეს არ არის ორი დღის საკითხი და, ალბათ არც რამდენიმე კვირისა“, - განაცხადა იარმიშმა „ნავალნი ლაივის“ ეთერში.
23 სექტემბერს ცნობილი გახდა, რომ კორუფციასთან ბრძოლის ფონდის დამფუძნებელი გამოწერეს კლინიკა „შარიტეს“ სტაციონარიდან. თავად ოპოზიციონერმა თქვა, რომ საავადმყოფოდან გაწერის შემდეგ ის გაივლის ფიზიოთერაპიის კურსს და შემდეგ, შესაძლოა, მიმართოს რეაბილტაციის ცენტრს.
ალექსეი ნავალნი „შარიტეში“ იმყოფებოდა 32 დღის განმავლობაში, აქედან 24 დღეს ის რეანიმაციაში იყო. ახლანდელი მდგომარეობის მიხედვით, ექიმები ფიქრობენ, რომ შესაძლებელია სრული გამოჯანმრთელება.
ნავალნი მოწამვლის სიმპტომებით ცუდად გახდა თვითმფრინავში 20 აგვისტოს, როცა ტომსკიდან მოსკოვში მიფრინავდა. ის მოათავსეს ომსკის საავადმყოფოში, საიდანაც 22 აგვისტოს ბერლინში გადაიყვანეს. 7 სექტემბრამდე ის იმყოფებოდა ხელოვნურ კომაში.
გერმანიის არმიის, ასევე შვედეთის და საფრანგეთის ლაბორატორიებმა დაადგინეს, რომ ნავალნი მოწამლეს „ნოვიჩოკის“, ჯგუფის ნერვული ნივთიერებით. რუსეთს დასავლეთი საქმის გამოძიებისკენ მოუწოდებს. სისხლის სამართლის საქმე ნავალნიზე შესაძლო თავდასხმის შესახებ, რუსეთში არ აღძრულა.
რუსეთის პრეზიდენტი ვლადიმირ პუტინს, ფრანგული მედიის ცნობით, ემანუელ მაკრონთან სატელეფონო საუბარში უთქვმას, რომ ნავალნიმ საწამლავი თავად მიიღო დაუდგენელი მიზეზით. ნავალნი უბრალოდ, ინტერენტში არეულობის შემტანი პირია, რომელიც ადრე სხვადასხვა დაავადებას იგონებდა, - უთქვამს პუტინის ფრანგი კოლეგისთვის.
მაკრონის მკაფიო პოზიცია იყო, რომ „ნოვიჩოკს“ კერძო პირი ვერ გამოიყენებდა.