“საქართველოს ბანკზე” თავდამსხმელმა ბანკის ტერიტორია სამ მძევალთან ერთად დატოვა
“საქართველოს ბანკზე” თავდამსხმელმა ბანკის ტერიტორია სამ მძევალთან ერთად დატოვა. არსებული ინფორმაციით, ერთ-ერთი მათგანი სამხარეო პოლიციის უფროსი ავთო გალდავაა. გავრცელებული ცნობით, სწორედ გალდავა აწარმოებდა შეიარაღებულ პირთან მოლაპარაკებებს და ბანკში თანხა, რომელიც თავდამსხმელმა მოითხოვა, გალდავამ მიიტანა.
მედიამ თავდამსხმელის მიერ მძევლებთან ერთად ბანკის დატოვების კადრები გადაიღო, სადაც ჩანს, რომ შეიარაღებულ პირს სამი ადამიანი ხელშეკრული გამოჰყავს. ამასთან, ვიდეომასალის მიხედვით, თავდამსხმელი ბანკიდან ხელაწეული გამოდის, რომელშიც სავარაუდოდ, ხელყუმბარა ეჭირა.
არაოფიციალური ინფორმაციით, თავდამსხმელი ერთ-ერთი სოფლისკენ დაიძრა, სადაც ვერტმფრენის განთავსებაა შესაძლებელი.
შსს-ში ამ დროისთვის ოფიციალური კომენტარი არ გაკეთებულა.