ილია II მიმართვას ავრცელებს ისრაელის და პალესტინელთა კონფლიქტის შესახებ
„წმინდა მიწაზე განვითარებული საომარი მოქმედებები ადგილობრივ მცხოვრებთა და მთელი რეგიონის უდიდესი განსაცდელია, მაგრამ იგი, ამავე დროს, მილიონობით სხვა ადამიანის გულისტკივილია, მათ შორის, რა თქმა უნდა, საქართველოშიც, რადგან ჩვენი სულიერი ცხოვრება დიდად იყო და არის დაკავშირებული იერუსალიმთან და წმინდა მიწასთან", - ნათქვამია პატრიარქის მიმართვაში.
ისრაელის და პალესტინელთა კონფლიქტი უკიდურესდ გამწვავდა მას შემდეგ, რაც ისრაელის მთავრობამ გადაწყვიტა აღმოსავლეთ იერუსალიმიდან პალესტინელთა ოჯახების გასახლება.
ისრაელის არმიის და „ჰამასის“ შეიარაღებული დაპირისპირების პარალელურად, ისრაელის რამდენიმე ქალაქში დაიწყო შეტაკებები ადგილობრივ არაბებსა და ებრაელებს შორის. ბოლო სამ დღეში დაკავებულია 400-მდე პირი. პრემიერ-მინისტრმა ბენიამინ ნეტანიაჰუმ განაცხადა, რომ ანარქიას არ დაუშვებენ.
პალესტინელთა დაჯგუფება „ჰამასმა“ სარაკეტო იერიში მიიტანა ისრაელის ქალაქებზე.