د محکمو له خوا ۳۷ تنه په مجازاتو محکوم شول
له نشه يي موادو سره د مبارزې عدلي او قضايي مرکز د نشه يي موادو د ۱۷ قضيو د څېړلو په تړاو ۳۷تنه په مجازاتو محکوم کړل. په دوی کې درې تنه يې ابتدائيه محکمې ۲۷کاله او نور يې د استيناف محکمې له خوا د بند په بېلابېلو مجازاتو محکوم شول.
د دې مرکز وياند خالد موحد ازادي راډيو ته وويل چې له محکومو شوېو اشخاصو سره ۱۹کيلوګرامه هيرويين، ۷۶ کيلوګرامه چرس، ۴۵۴۰ لېټره شراب او تر اتو کيلوګرامو ډېره ښیښه نيول شوې وه.