Бөгелмә районы башлыгы белән Дәүләт Думасы депутаты килешү төзеде
(Бөгелмә, 5 февраль, «Татар-информ», « Бөгелмә авазы »). Региональ атна кысаларында, VIII чакырылыш Россия Федераль җыены Дәүләт Думасы депутаты Азат Ягъфәровның Бөгелмә муниципаль районы башлыгы Линар Закиров белән эшлекле очрашуы узды. Очрашуда актуаль мәсьәләләр турында фикер алыштылар. Россия Федераль җыены Дәүләт Думасында, Татарстан Дәүләт Советында һәм Бөгелмә муниципаль районы Советында «Бердәм Россия» фракцияләре депутатларының үзара хезмәттәшлеге турында килешүгә имза куелды.