Умра рейслари бир ҳафтада 16 марта амалга оширилади
![Умра рейслари бир ҳафтада 16 марта амалга оширилади](https://gdb.rferl.org/ab77201d-dc0e-4337-b115-3459f8aa92b4_w800_h450.jpg)
Ўзбекистондан Умрага авиарейслар 10 февралдан бошлаб ҳафтасига 16 марта амалга оширилади. Ўзбекистон мусулмонлари идорасининг маълум қилишича, Умрага ҳафтанинг ҳар сешанба ва шанба кунлари 3 марта, қолган 5 кунида 2 тадан рейс парвоз қилади.
16 январь куни Ўзбекистон мусулмонлари идораси Тошкентдан Саудияга 22, 25 ва 28 январь кунлари авиарейслар йўлга қўйилгани тўғрисида хабар берганди. 1 февралдан бошлаб Умра сафарига ҳар куни биттадан авиарейс амалга оширила бошланган.
Ўшанда 10 февралдан бошлаб Саудия Арабистонига рейслар сони кунига 2тага етказилиши, рамазон ойи давомида эса ҳар куни 3 тадан авиақатнов йўлга қўйилиши билдирилган эди.
Умрага борувчилар коронавирусга қарши Astra-Zeneca, Moderna, Pfizer ёки Jonson & Jonson вакциналари билан тўлиқ эмланиб, сертификатга эга бўлиши лозим.