დმიტრი პესკოვი: კრემლისთვის უცნობია, ჩავიდა თუ არა რამზან კადიროვი „საბრძოლო მოქმედებების ზონაში“
რამზან კადიროვის უკრაინაში ჩასვლის შესახებ გავრცელებულ ინფორმაციას კრემლი გამოეხმაურა.
როგორც რუსეთის პრეზიდენტის პრესმდივანმა, დმიტრი პესკოვმა განაცხადა, კრემლისთვის უცნობია, ჩავიდა თუ არა რამზან კადიროვი „საბრძოლო მოქმედებების ზონაში“.
„აღნიშნულ ინფორმაციას არ ვფლობთ“, – განაცხადა პესკოვმა.
მან ასევე დაამატა, რომ კადიროვის მხრიდან უკრაინაში ჩასვლის შესახებ ინფორმაცია მას არ მიუღია.
პესკოვმა ჟურნალისტებს ურჩია, რომ ამ კითხვით ჩეჩნეთის მთავრობის მეთაურს მიმართონ.
უკრაინის შინაგან საქმეთა სამინისტროს განცხადებით, უწყება კადიროვის ადგილოსამყოფელის შესახებ ინფორმაციას არ ფლობს. თავად კადიროვი აღნიშნავდა, რომ კიევის მახლობლად იმყოფება. შეგახსენებთ, 13 მარტს სოციალურ ქსელებში გავრცელდა ინფორმაცია, რომლის თანახმად რამზან კადიროვი უკრაინაში იმყოფებოდა.