ლავროვი: ჩვენი სამხედრო ოპერაცია გამიზნულია იმისთვის, რომ აშშ-ის დომინირებას ბოლო მოეღოს
რუსეთის საგარეო საქმეთა მინისტრი სერგეი ლავროვი აცხადებს, რომ უკრაინაში რუსული საოკუპაციო ძალები აშშ-ისა და ნატოს „ექსპანსიის“ წინააღმდეგ იბრძვიან.
მისივე თქმით, რუსეთი არ დაუშვებს, რომ დასავლეთის დაქვემდებარებული ქვეყანა გახდეს.
„ჩვენი სპეციალური სამხედრო ოპერაცია გამიზნულია იმისთვის, რომ ბოლო მოეღოს შეერთებული შტატებისა და სხვა დასავლური ქვეყნების უგუნურ ექსპანსიას და უგუნურ კურსს საერთაშორისო ასპარეზზე. რუსეთი დასავლეთის მიმართ დაქვემდებარებულ პოზიციას არასოდეს დაიკავებს“, – განაცხადა ლავროვმა.