20 мингдан ортиқ педагог аттестацияда «Мутахассис лавозимига мувофиқ эмас» деб топилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Аттестацияда қатнашган 20 мингдан ортиқ педагог «Мутахассис лавозимига мувофиқ эмас» деб топилди. Бу ҳақда АОКАда ўтказилган брифингда Таълим сифатини назорат қилиш давлат инспекцияси ахборот хизмати раҳбари Шавкат Хўжақулов маълум қилди. 2022 йилдан бошлаб педагоглар аттестацияси бир йилда икки марта, яъни январь-июнь ва август-декабрь ойларида ўтказилиши йўлга қўйилди. Жорий йилнинг биринчи ярмида ўтказилган аттестацияда иштирок этиш учун жами 294 минг 175 нафар педагог мурожаат юборган. Аттестацияда иштирок этган жами педагогларнинг 16 минг 190 нафари (6 фоиз) олий малака тоифаси, 53 минг 662 нафари (19 фоиз) биринчи малака тоифаси, 104 минг 782 нафари (38 фоиз) иккинчи малака тоифаси олди. 22 минг 626 нафар (8 фоиз) педагогларга мутахассис малака тоифаси бериш тўғрисида, 20 минг 30 нафар (7 фоиз) педагогларга нисбатан эса “Мутахассис лавозимига мувофиқ эмас”лиги тўғрисида қарорлар қабул қилинган.