Экс-брамнік зборнай Беларусі Дзмітрый Мільчакоў завяршыў кар’еру
Былы хакеіст будзе працаваць трэнерам у клубе "Ханальс Кінгс" з чацвёртага дывізіёна чэмпіянату Швецыі.
Artykuł Экс-брамнік зборнай Беларусі Дзмітрый Мільчакоў завяршыў кар’еру pochodzi z serwisu БЕЛАРУСКАЕ РАДЫЁ РАЦЫЯ.
Экс-брамнік зборнай Беларусі і менскага „Дынама” Дзмітрый Мільчакоў завяршыў кар’еру ў 36 гадоў. Былы хакеіст будзе працаваць трэнерам у клубе „Ханальс Кінгс” з чацвёртага дывізіёна чэмпіянату Швецыі. У складзе зборнай Беларусі Мільчакоў ездзіў на пяць чэмпіянатаў свету і правёў адну гульню ў алімпійскай кваліфікацыі.
Віктар Ганчарэнка прызначаны галоўным трэнерам „Урала”
Беларускі спецыяліст Віктар Ганчарэнка прызначаны галоўным трэнерам „Урала”. Аб прызначэнні абвясціў прэзідэнт клуба Рыгор Іваноў, паведамляе прэс-служба „Урала”. Кантракт беларускага трэнера разлічаны на два гады. Бліжэйшы матч чэмпіянату Расеі „Урал” правядзе 20 жніўня з „Ніжнім Ноўгарадам». У актыве клуба з Екацярынбурга ў пяці турах адзін бал, ён замыкае табліцу.
Ілля Івашка выбыў у фінале кваліфікацыі турніру АТП-1000 у Цынцынаці
Ілля Івашка (50-ы нумар рэйтынгу АТП) выбыў у фінале кваліфікацыі турніру АТП-1000 у амерыканскім Цынцынаці. Беларус саступіў прадстаўніку Аўстраліі Танасі Кокінакісу (71 АТП) — 5:7, 6:1, 5:7.
Дзмітрый Дашчынскі пакінуў трэнерскі штаб зборнай Беларусі па фрыстайле
Двухразовы алімпійскі прызёр (бронза Нагана-1998 і срэбра Турына-2006) у лыжнай акрабатыцы Дзмітрый Дашчынскі больш не будзе працаваць з нацыянальнай камандай краіны па фрыстайле. Да трэнерскага штаба Мікалая Казекі Дашчынскі далучыўся адразу пасля завяршэння кар’еры ў 2014 годзе і працягнуў працу, нават калі Казеку звольнілі са зборнай. Цяпер і Дзмітрый прыняў рашэнне пакінуць пасаду трэнера.
„МЮ” разглядае трансфер Вардзі
«Манчэстэр Юнайтэд» вывучае нечаканы варыянт узмацнення атакі. Паводле інфармацыі The Athletic, манкуніянцы разглядаюць магчымасць пакупкі Джэймі Вардзі. Аднак «Лестэр» не хоча адпускаць 35-гадовага нападніка. Раней паведамлялася пра цікавасць «Юнайтэд» да найлепшага бамбардзіра «Эспаньола» Рауля дэ Томаса, а таксама да форварда «Атлетыка» Альвара Мараты. У мінулым сезоне АПЛ Вардзі забіў 15 галоў у 25 матчах.
Беларускае Радыё Рацыя
Artykuł Экс-брамнік зборнай Беларусі Дзмітрый Мільчакоў завяршыў кар’еру pochodzi z serwisu БЕЛАРУСКАЕ РАДЫЁ РАЦЫЯ.