Қандай жирканчлик. Яна бу одамлар бағрикенглик ҳақида гапиришади-я! — Бизга қўшилинг: ???? https://t.me/joinchat/AAAAADwt0NGCRoONT4f1_Q
Мухлислар америкалик футболчининг жаҳон чемпионатидаги қўполлигидан ғазабланишди. ЖЧ-2022 гуруҳ босқичининг 2-турида Англияга қарши ўйинда америкалик ярим ҳимоячи Уэстон Маккенининг хатти-ҳаракати мухлисларни ғазаблантирди. 38-дақиқада футболчи тўпни майдон ташқарисидан киритишга мажбур бўлди. Бунинг олдидан у реклама тахтаси ортида ўтирган кекса фотомухбирга яқинлашди ва қўлларини унинг кўйлагига артди. Мухлислар ижтимоий тармоқларда Маккеннининг қилмишидан норозилигини билдиришди. “Бу инсонга нисбатан ҳурматсизликдир. Нега у қўлларини ўзининг футболка ёки шортисига артмади?" «Қандай жирканчлик. Бу одамлар эса бағрикенглик ҳақида гапиришмоқда». «Тасаввур қилинг, агар Саудия Арабистони ёки қатарлик футболчи шундай қилса нима бўларди! Инсон ҳуқуқлари, One Love ва бошқалар... Фақат иккиюзламачилик». «Ҳурматсизлик ва қўполлик, бу мени ғазаблантирди». «Яна улар бошқаларга инсон ҳуқуқлари, фаровонлик ва тараққиёт ҳақида ваъз ўқишади», деган мулоҳазалар ёзилган изоҳларга тўлиб кетди.