Азаранка выйшла ў трэці круг турніру ў Маямі
У ЗША працягваецца адзін з самых прэстыжных турніраў у календары Жаночай тэніснай асацыяцыі - Адкрыты чэмпіянат Маямі.
Artykuł Азаранка выйшла ў трэці круг турніру ў Маямі pochodzi z serwisu БЕЛАРУСКАЕ РАДЫЁ РАЦЫЯ.
У ЗША працягваецца адзін з самых прэстыжных турніраў у календары Жаночай тэніснай асацыяцыі – Адкрыты чэмпіянат Маямі.
Мінулай ноччу свой першы паядынак на турніры правяла Вікторыя Азаранка. Дзякуючы высокаму пасеву беларуска стартавала на Miami Open адразу з другога раунда, у якім сустракалася з італьянкай Камілай Георгі. Інтрыгі ў матчы практычна не было: Вікторыя справілася з суперніцай крыху больш чым за гадзіну – 6:3, 6:1. На стадыі адной шаснаццатай фіналу двухразовая пераможца турніру ў Маямі Азаранка згуляе з Магдай Лінэт з Польшчы.
Сёння вечарам свой другі матч на Miami Open згуляе Аляксандра Сасновіч, яе апаненткай на этапе 1/32 фіналу стане чэшка Барбара Крэйчыкава. Бліжэйшай ноччу на турніры стартуе Арына Сабаленка, у другім крузе беларуска сустрэнецца з Шэлбі Роджэрс з ЗША.
Галявы пас Протаса дапамог „Вашынгтону” разграміць „Чыкага”
„Вашынгтон” у чарговым матчы рэгулярнага чэмпіянату НХЛ на хатняй арэне разабраўся з „Чыкага” — 6:1. У пераможцаў галявым пасам вызначыўся беларускі нападнік Аляксей Протас.
У суме Протас правёў на лёдзе 9 хвілін 35 секунд, вызначыўся галявым пасам, прайграў 1 укідванне, здзейсніў 1 перахоп, дапусціў 1 страту, заблакаваў 3 кідкі суперніка і зарабіў паказчык карыснасці „+2”.
Корабаў скасаваў кантракт з „Дынама” і перайшоў у жлобінскі „Металург”
Абаронца Дзмітрый Корабаў скасаваў кантракт з менскім „Дынама”. Пагадненне скасаванае па ўзаемнай згодзе, паведамляе прэс-служба „зуброў”. Корабаў працягне кар’еру ў жлобінскім „Металургу”. Хакеіст ужо далучыўся да каманды і дазаяўлены пад нумарам 89.
У мінулым сезоне абаронца правёў за „Дынама” 53 матчы і набраў 7 (3+4) ачкоў пры паказчыку карыснасці „0”. У КХЛ сумарна на яго рахунку 485 матчаў і 93 (21+72) ачкі.
Зборныя Англіі і Партугаліі па футболе з перамог стартавалі ў кваліфікацыі Еўра-2024
Васьмю матчамі на палях Старога Свету стартаваў кваліфікацыйны турнір чэмпіянату Еўропы па футболе 2024 года.
Па выніках лёсавання ў адну адборавую групу трапілі фіналісты мінулага кантынентальнага форуму – Італія і Англія. Каманды згулялі паміж сабой у першым жа матчы кваліфікацыі, мацней на старце апынуліся ангельцы 2:1, галамі ў складзе якіх адзначыліся Дэклан Райс і Хары Кейн, які стаў лепшым бамбардзірам у гісторыі зборнай Англіі. Форвард, які прадстаўляе „Тотэнхэм”, рэалізаваў адзінаццаціметровы, прызначаны за гульню абаронцы зборнай Італіі Джавані Ды Ларэнца рукой.
Цяпер на рахунку Кейна 54 галы за нацыянальную каманду. Ён абышоў Уэйна Руні, у якога было 53 галы, паведамляе твітар зборнай Англіі.
У гэтай жа групе С зборная Паўночнай Македоніі з такім жа лікам абыграла каманду Мальты. Таксама адбыліся тры сустрэчы ў рамках пула H. Паўфіналісты Еўра-2020 датчане абыгралі фінаў 3:1, зборная Паўночнай Ірландыі была мацней за Сан-Марына 2:0, а славенцы, саступаючы па ходу гульні, вырвалі гасцявую перамогу ў Казахстана 2:1.
Акрамя таго, напярэдадні вечарам адбор на чэмпіянат Еўропы пачалі шэсць каманд групы J. Чэмпіён кантынента сямігадовай даўніны Партугалія разграміла Ліхтэнштэйн 4:0, дубль за пірэнейцаў аформіў Крышціяну Раналду, які пабіў сусветны рэкорд па колькасці матчаў за нацыянальныя зборныя. Крышціяну дваццаць гадоў запар забівае за зборную Партугаліі. У паралельнай гульні каманда Босніі і Герцагавіны разабралася з Ісландыяй 3:0, а славакі распісалі нулявую нічыю з люксембуржцамі.
Месі забіў 800-ы гол у кар’еры
Нападнік зборнай Аргенціны Ліянэль Месі забіў мяч у таварыскім матчы супраць каманды Панамы — 2:0. Гэты гол для 35-гадовага форварда стаў 800-м у кар’еры. Усяго Месі забіў 672 мячы за „Барселону”, 29 галоў за „ПСЖ” і 99 за нацыянальную каманду.
Ён стаў другім футбалістам у гісторыі, які дасягнуў гэтай адзнакі.
Беларускае Радыё Рацыя
Artykuł Азаранка выйшла ў трэці круг турніру ў Маямі pochodzi z serwisu БЕЛАРУСКАЕ РАДЫЁ РАЦЫЯ.