Макрон истеъфога кетмаслигини маълум қилди

Herault департаментида намойишчилар томонидан тўхтатилган Франция президенти Эммануел Макрон истеъфога чиқиш нияти йўқлигини айтди. Бу ҳақда zamon.uz хабар бермоқда.

 

Президентнинг ташрифи чоғида намойишчилар ҳамма жойда “Макрон истеъфога чиқ!” деб ҳайқирди. Улар “демократик президент” деган умидда унга овоз берганидан афсусда эканликларини билдирган.

 

«Мен демократия тарафдориман, шунинг учун сайловларда иштирок этдим. Лекин мен истеъфога чиқмайман. Сизни ишонтириб айтаманки, бундай бўлмайди. 2027 йилгача кутишимиз керак”, – деди президент.

 

Ташрифи давомида тўпланган намойишчиларга қарши полиция кўздан ёш оқизувчи газ ишлатишга мажбур бўлди. Намойишчилар унга тухум ва картошка отиш билан жавоб беришган.

 

Франция Конституциявий кенгаши пенсия ислоҳоти тўғрисидаги қонун лойиҳасининг асосий моддасини маъқуллади, унда 2030 йилгача мамлакатда пенсия ёшини 62 ёшдан 64 ёшга босқичма-босқич ошириш назарда тутилган. Шанба куни кечқурун Макрон қонунни имзолади, ҳужжат расмий журналда чоп этилди.